Zjarrfikësit janë në luftë me flakët edhe në Elbasan. Vatra e zjarrit në fshatin Zavaline, ku janë aktivizuar 30 efektivë të ushtrisë me tre mjete dhe rreth 40 forca të zjarrfikëses së Elbasanit dhe emergjencës, mbetet aktive. Për shkak të terrenit malor, është e pamundur ndërhyrja deri në zonë me mjetet zjarrfikëse.
Ndërkohë, policia ka shpallur në kërkim një 28-vjeçar, i cili dyshohet se nga pakujdesia ka shkaktuar zjarr.