Një fotografi e presidentit francez Emmanuel Macron duke shkëmbyer një puthje të apasionuar nga ministrja e tij për sportin ka bërë bujë në internet. Macron, 46 vjeç, u fiksua duke ndarë një përqafim mjaft intim me Amélie Oudéa-Castéra gjatë ceremonisë së hapjes së Lojërave Olimpike të Parisit.
Oudéa-Castéra, gjithashtu 46 vjeçe, mban kokën e Macron-it teksa e puth në faqe ndërsa të dy shtrëngojnë njëri-tjetrin. Kryeministri francez Gabriel Attal duket që sheh i çuditur duke kthyer vështrimin nga ana tjetër ndërsa dy të tjerët shkëmbejnë puthjet e tyre të ngushta.
“Madame Figaro”, revista e njohur franceze, e quajti atë një “puthje kurioze”, duke theksuar se ministrja “e di qartë se si t’i bëjë njerëzit të flasin për të”. Gazeta shkroi: “Pas ceremonisë së hapjes së Lojërave Olimpike, presioni u zbeh, duke i lënë vendin euforisë. Në një shpërthim gëzimi, ministrja e sportit Amélie Oudéa-Castera dhe presidenti Emmanuel Macron u puthën. Puthja po bën shumë bujë”.
Ndërkohë komentuesit online nxituan të vënë në dukje përqafimin e ngushtë mes të dyve. Një person shkroi: “Çfarë është kjo puthje mes Oudéa dhe Macron??!’ ndërsa një tjetër komentues shtoi: “Brigitte [gruaja e Macron] nuk do ta pëlqejë”.
Një tjetër shtoi: ‘Djali i mallkuar! Ky është një përqafim kurioz!”, ndërsa një tjetër shtoi: “Ooh la la”. Një përdorues ishte më kritik, duke shtuar: “Më duket e pahijshme kjo foto, nuk është e denjë për një president dhe një ministre”.
Megjithatë, përqafimi nuk i ka bindur të gjithë, me një përdorues që shkruan: “Nuk shoh problem tek kjo”. Francezët janë të njohur për puthjet në të dyja faqet si përshëndetje. “Vive La France!”
Oudéa-Castéra bëri bujë në fillim të këtij muaji kur u zhyt në lumin Seine në një përpjekje për të bindur botën se lumi ishte i përshtatshëm për atletët olimpikë. Duke shpërndarë një video në rrjetet e saj sociale, ajo tha “Premtimi u mbajt”, duke iu referuar një premtimi të mëparshëm që kishte bërë për të hyrë në ujë para Lojërave.
Pavarësisht kësaj, një sërë aktivitetesh është dashur të shtyhen tashmë për shkak të shqetësimeve për cilësinë e ujit. Shqetësimet për pastërtinë çuan në shtyrjen e triathlonit për meshkuj të martën. ©LAPSI.al