Në pikun e sezonit turistik, hoteleve në zonat turistike të Jugut dhe të Durrësit u është kërkuar sërish nga Agjencia Kombëtare e Ujësjellës Kanalizimeve (AKUK) nëpërmjet një njoftimi, detyrimi për instalimin e impianteve për trajtimin e ujërave të ndotura.
Dërgimi i njoftimeve për operatorët turistikë vjen pas fushatës së ndërmarrë për vendosjen e tabelave identifikuese me rreth të kuq para bizneseve që nuk kanë instaluar impiantet që kushtojnë deri në 100 mijë euro.
“I nderuar operator turistik,
Në vijim të nismave të ndërgjegjësimit që kemi ndërmarrë deri tani me të gjithë palët e interesit, dëshirojmë të theksojmë edhe një herë rëndësinë e zbatimit të detyrimeve që rrjedhin nga Akti Normativ nr.8 dhe Rregullorja Teknike “Për marrjen e masave urgjente për mbrojtjen dhe përmirësimin e infrastrukturës, për trajtimin e ujërave të ndotura që shkarkohen pranë ose në ujëra larës”.
Qëllimi kryesor i këtij akti është të arrihet objektivi 95% i ujërave larës në cilësi “shkëlqyer” duke siguruar një mjedis të pastër dhe përmirësimin e cilësisë së jetës për qytetarët tanë”, theksohet në njoftimin e shpërndarë.
Në këtë kuadër thuhet ndër të tjera se “përfshirja e industrisë së turizmit në procesin e para trajtimit të ujërave të ndotura, nëpërmjet instalimit të sistemeve individuale do të ndihmojë jo vetëm në mbrojtjen e mjedisit dhe infrastrukturën publike, por gjithashtu do të vendosë një standard të ri në cilësinë e ujërave larës, si një nga burimet kryesore të zhvillimit të turizmit.
Por bizneset është ngritur shqetësimi edhe në nisje të sezonit turistik se instalimi i impianteve të kërkuara, kushton në vlera nga 80 mijë deri 100 mijë euro. Ata pohojnë se kostoja për instalimin e impiantit është e papërballueshme, në kushtet kur edhe sezoni turistik ka qenë i vakët dhe se ata paguajnë taksën për trajtimin e ujërave të ndotura.
Për sa i përket kostos së lartë, në njoftimet dërguar bizneseve AKUK thekson se kostot për impiantet mund të transferohen te shërbimet dhe produktet.
“Referuar raportit vjetor të Agjencisë Europiane të Mjedisit për sezonin turistik 2022, cilësia e ujërave larës në Shqipëri u klasifikua në kategorinë “shkëlqyer” në vetëm 67.5%, duke sjellë nevojën për masa të menjëhershme dhe efektive për të përmirësuar gjendjen e cilësisë së ujërave larës.
Procesi i përmirësimit të infrastrukturës për trajtimin e ujërave të ndotura është një investim, kosto e të cilit është e transferueshme në shërbimet dhe produktet që ju ofroni, duke ndikuar kështu në uljen e efekteve financiare”, theksohet ndër të tjera në njoftim.
Kryetari i shoqatës së Bareve dhe Restoranteve Enri Jahja tha se kjo është praktikë arbitrare, pasi po kërkohet nga bizneset të paguhet 2 herë për të njëjtin shërbim.
“Së pari, bizneset paguajnë ujësjellësin për heqjen e ujërave të ndotur dhe kjo ka një vlerë në faturë. Së dyti në gjithë botën këto impiante i vendos ujësjellësi ose nëse financohet nga bizneset, përjashtohen nga detyrimi për taksën. Shteti ka nxjerrë një akt normativ arbitrar me qëllim marrjen e taksave arbitrarisht, i padiskutuar me grupet e interesit”, pohoi ai.
Sakaq, në njoftimin dërguar bizneseve AKUK thotë se Akti Normativ nr.8 datë 28.12.2023 nuk ka ardhur si një iniciativë e shkëputur, por mbështetet në legjislacionin mjedisor në fuqi, konkretisht te ligj nr.9115, datë 24.07.2003 “Për trajtimin mjedisor të ujërave të ndotura”, i ndryshuar i cili trajton specifikisht, detyrimet sipas sektorëve të industrisë për para trajtimin e ujërave të ndotura. “Përforcimi i masave për përmirësimin e cilësisë së ujërave larës mbetet një sfidë e përbashkët për zhvillimin e mëtejshëm social ekonomik”, përfundon njoftimi.
Pas publikimit në Fletoren Zyrtare më 5 janar 2024 të Aktit Normativ “Për marrjen e masave urgjente, për mbrojtjen dhe përmirësimin e infrastrukturës, për trajtimin e ujërave të ndotura që shkarkohen pranë ose në ujëra larëse” ministrja e Infrastrukturës dhe Energjisë Belinda Balluku dhe ministrja e Turizmit dhe Mjedisit Mirela Kumbaro firmosën më 2 Shkurt 2024, udhëzimin e përbashkët ku përcaktohen standardet teknike që duhen të ndiqen nga subjektet pranë zonave bregdetare, liqenore dhe lumenjve, për zëvendësimin e gropave skeptike me instalimin e impianteve bashkëkohore për trajtimin e ujërave të ndotura.
Sipas udhëzimit të përbashkët bizneseve iu lihej afat deri në fund të muajit mars të instalojnë pajisjet apo sistemet e përcaktuara ose në të kundërt, siç përcaktohet në Aktin Normativ nëse Task-Forca, pas kryerjes së monitorimit dhe inspektimit, kur konstaton mosvendosjen e impiantit apo sistemit individual në përputhje me rregullat teknike për trajtimin e ujërave të ndotura, bizneset do të dënohen me gjoba që variojnë nga 1,500,000 lekë deri në 2,650,000 lekë.
Po ashtu, udhëzimi përcaktonte se subjektet nuk do të mund të marrin edhe certifikatën e përdorimit për objektin ose projektin e ndërtuar apo të zhvilluar./MONITOR
Njerezit kete vit dhe ma pare jane mbushur me infeksione keta terr verr.. Per fitimin tuaj u semuren femijet ore qelbesira.
Nuk jam as pronar dhe asgje, madje e kam abandonuar jugun shqiptar por ai po te thote qe ne faturen e ujesjellesit e ka nje ze pagese “largimi i ujerave te ndotura per m3”. Kur paguan tek ujesjellesi si biznes perse duhet te vere impiant. Ai po thote e ve impiantin dhe me hiq koston e largimit te ujerave te zeza
Jam dakord! Dhe ne fakt nese konsiderohen si shpenzime, ketyre ajo pjese nuk do tu tatohet dhe me siguri per vite nuk do paguajne as tatim per fitimin e as TVSH. Pak a shume 23% me pak (me dividendin). Kam vetem nje dyshim, Ujrat e zeza te ketyre jane thjeshte te depozituara dhe nuk mund te pastrohen apo filtrohen ne nje depozite plastike, duke qene qellimi i tyre vetem mos hedhja ne det. Sidoqofte, ujrat do merren dhe hidhen diku
Prandaj kemi detin me te ndotur ne Europe
muhabet kot, me trajtimin e ujrave te zeza duhet te merret shteti e me pas t’ua taksoje. Ca eshte kjo gje nje here qe iu linka privatit e qe cdo biznes u dashka tu merrka vete. Prandaj eshte bere mut gjithandej se co shteti keto zagaret e kanalizimeve per te kap ndonje lek nderkohe plazhet gjith mut.
Kjo pune zgjidhet thjeshte fare, e merr ne dorezim shteti ndertimin dhe perpunimin e impianteve per urat e zeza (qe mbi te gjitha ka dhe mundesine) dhe kur e gjith kjo pune eshte mbaruar, takson cdo vit bizneset perkatese.
Kjo behet per arsyen e vetme se jane disa tregtare patronazhiste qe do sjellin impiantet dhe eshte nje tjeter mundesi e arte per te kapur miliona euro.
Hahaha, ti jeton akoma ne komunizem.
Pse more gomar, me taksat e mia do behen kanalizimet e hoteleve?
Kush nderton hotel te mari parasysh dhe kostot per impiantin e trajtimit ose per lidhjen me rrjetin.
A e di ti qe ne Amerike njerezit pagojne 50 – 100 000 $ vetem per tu lidhur me rrjetin e energjise elektrike, di na e dashke “falas”.