Kylie Jenner ka adresuar spekulimet në internet për peshën e saj trupore në kopertinën e saj të shtatorit për British Vogue, të publikuar të martën.
“Jam kthyer në peshën time që isha përpara se të kisha vajzën dhe djalin tim,” tha manjati i grimit, 27 vjeç.
Në përgjigje të thashethemeve për ozempic(ilaç i cili është miratuar për trajtimin e diabetit të tipit 2) , ajo pyeti: “A e harrojnë të gjithë se unë kisha dy fëmijë dhe fitova 60 kilogramë tek të dyja shtatzënitë?”
Jenner ka folur sinqerisht me ndjekësit e saj në rrjetet sociale për ndryshimin e trupit të saj që kur u bë nënë “Thjesht duke u përpjekur të jem e shëndetshme”, shkroi ajo në Story në prill 2022. “Ecja/pilates është kombinimi im i preferuar”.
“Përpiqem të jem pozitive gjatë kësaj periudhe”, shkroi Kylie përmes Instagramit. “Presioni që na ushtrohet për t’u rikthyer në peshën e mëparshme kur gjithçka është e re nuk është realiste.”
Jenner i tha revistës se mëmësia e mësoi të mos ketë nevojë për “vlerësim nga të tjerët”.
Ajo shpjegoi, “Unë kthehem në shtëpi dhe fëmijët e mi thjesht më duan pa kushte. Ata janë thjesht të fiksuar pas meje dhe kjo më ka mësuar t’i përballoj gjërat më lehtë në jetë.”
Sipërmarrësja vazhdoi, “Unë them: “OK, mirë, unë kam këta fëmijë të vegjël në shtëpi që kanë nevojë për mua, më duan dhe mendojnë se jam personi më i përsosur në botë”. Jenner, e cila aktualisht është në një lidhje me aktorin Timothée Chalamet, bashkë-prindëron fëmijët e saj me ish-Travis Scott.