Disa pamje shokuese janë publikuar në internet kur një person po transmetonte nga brenda folesë së zbrazët të një ariu të murrmë, pak para se kafsha e egër të kthehej e ta gjente aty. Stefan Jankovic, një 31-vjeçar nga Serbia, publikoi dy videot e eksperiencës së frikshme teksa raportonte se si vetëm për një çast arriti t’i shpëtonte predatorit gjigant.
I riu i njohur në Instagram shihet teksa tregon thellësinë e strofkës së baltës. Por në një moment kur ktheu kamerën u shfaq koka e madhe e ariut që e vështron. Dalëngadalë bisha nis të hyjë në folenë e tij. Jankovic vazhdon të filmojë momentin e tensionuar teksa ariu vijon të zbresë me zvarritje në gropë drejt blogerit.
“On the edge of life.”
Popular Serbian video blogger Stefan Janković published a video online where he somehow ended up in a bear’s cave. In the second video, he is already on a tree with 2 bears underneath.
He did not explain how he got into such a situation, but he called… pic.twitter.com/sX0D3d6e5D
— NEXTA (@nexta_tv) September 15, 2024
Ariu i murrmë avancoi drejt të riut madje derisa e preku Jankoviç në fytyrë. Me një shprehje të shtangur në fytyrë, Jankovic qëndron palëvizur duke lënë ariun ta nuhasë atë dhe kamerën. Në njëfarë mënyrë ai arriti të dalë nga strofka duke kaluar ariun. “Nuk mund ta besoni çfarë më ka ndodhur”, – thotë Janovic më pas në video.
“Kalova 24 orë në pyll dhe një ari më sulmoi. Pasi shpëtova prej tij dy të tjerë më dolën përpara”, – shton ai. Personazhi i rrjeteve sociale nuk shpjegon sesi u gjend në atë situatë me ariun dhe nuk dihet nëse ishte një ari i egër apo i mbajtur në një rezervat. Pamjet kanë marrë mbi 182 mijë shikime në rrjetin X ku komentuesit kishin opinione të ndara mbi ngjarjen.
Disa prej te cilëve e quanin te rreme. Një prej tyre shkruante: “Kësaj here ai shpëtoi gjallë por herën tjetër natyra do të bëjë të sajën”. Një tjetër thotë: “Nëse kjo nuk është e rreme, është me fat që nuk përfundoi i bërë copa-copa”. Një tjetër shtonte: “Duket qartë që ariu e njeh! Përndryshe do t’i kishte këputur kokën!”. ©Daily Mail, LAPSI.al
