Mediat serbe e kanë quajtur skandaloze përshëndetjen që Taulant Xhaka bëri
me dorën e tij të djathtë.
Gazeta "Kurir" shkruan se anëtari i Kombëtares shqiptare bëri një përshëndetje naziste pas ndeshjes së Baselit kundër Young Boys në kampionatin zvicerian.
Madje, ata e krahasojnë atë me një naziskin që përkrah ish-liderin famëkeq të Gjermanisë, Adolf Hitler.
Gjithsesi, vetë Taulanti ka theksuar se kjo ishte vetëm një përshëndetje e tij për familjarët dhe asgjë më shumë. Por ndryshe nga c'ndodh në Beograd, Taulanti ka marrë mbështetje nga vëllai i tij më i madh, Graniti?
Mesfushori prishtinas në fundjavën e shkuar shënoi një supergol në fitoren e Monchengladbach, gol të cilin Granit Xhaka e festoi duke formuar me duar shqiponjën dykrenare shqiptare. Pas ndeshjes ai tha se nuk është penduar
që festoi golin në këtë mënyrë dhe se ndihet krenar me prejardhjen e tij.
“Kjo ishte një javë e vështirë për mua. Vëllai im, Taulanti luan me Shqipërinë. Unë kurrë nuk do t’i fsheh rrënjët e mia”.