Dëmtimi i Fellainit nuk është i rëndë. Bëhet fjaë vetëm për 15 ditë pushim. Ky lajm është një lehtësim për drejtuesit e Manchester United (që kërkojnë ta shesin lojtarin) dhe për Napolin (që vazhdon të insistojë për ta blerë). Megjithatë e ardhmja e belgut është ende e paqartë. Lojtari i pëlqen Benitez por de Laurentiis ka shumë dyshime për kryerjen e këtij operacioni. Shifrat janë këto: 6 milion euro për lëvizjen plus gjobën dhe një rrogë prej 4 milion eurosh. Presidenti i Napolit duket dyshues përballë këtyre shifrave.
Përballë Fellainit ka edhe të tjera alternativa. Lucas Leiva, 27 vjeç dhe Nacho Camacho, 24 vjeç. Braziliani i Liverpulit e ka pranuar ofertën, vetëm nëse ajo do të jetë e mirë për të dhe për klubin.