Në një darkë me shoqërinë nuk ishte si të mungonin fotografitë. Dhe Rita Ora di të dalë gjithnjë mirë para kameras. Por në njërën prej tyre, aparati ka kapur një substancë të dyshimtë. Mediat britanike hedhin dyshime se bëhet fjalë për një qese marijuanë. Por ato sqarojnë se këngëtarja 24 –vjeçare ishte në anën tjetër të tavolinës dhe nuk ka të dhëna që qesja të jetë e saj. Fotoja është bërë të shtunën ku këngëtarja shqiptare po darkonte me disa miq. Përfaqësuesit e saj refuzuan të bëjnë komente për mediat britanike. As Rita Ora nuk pranoi të komentonte. Por pas publikimit të lajmit për substancën e dyshimtë ajo postoi në rrjetet sociale një foto me Snoop Dogg, një përdorues i rregullt i marijuanës. Snoop pranoi këtë vit se ai ishte nën efektin e marijuanës kur u takua me presidentin amerikan, Barack Obama. Lapsi.al