Matthew Perry aktori që luajti Chandler në serialin “Friends” për 10 vjet luftonte në të njëjtën kohë me varësinë e tij nga droga dhe alkooli. 11 vjet pas mbylljes së serialit ai është hapur duke treguar për jetën e tij përpara publikut dhe për rikuperimin e tij në një qendër të posaçme për këto varësi.
“Jam një person shumë privat, megjithëse isha në një emision televiziv që uleshin 30 milion përsa për ta parë. Dhe njerëzit e dinin. Ishte shumë e dukshme ajo që po më ndodhte mua” –ka treguar ai. Ka qenë një periudhë e gjatë e rehabilitimit. “Nuk mund të largosh problemin pasi drogohesh për 30 vite rresht dhe ta zgjidhësh këtë çështje në 28 ditë” – tha ai.
Aktori luan tani në një tjetër serial ndërsa financon një qendër rehabilitimi në Venice Beach që ndihmon persona me probleme si të tijat.
“U preka nga shpresat e njerëzve që dëgjoja aty dhe kjo është e gjitha. Të qëndrosh esëll është një gjë e vështirë për ta bërë". Në një rrëfim për “The Hollywood Reporter” ai ka treguar se gjendja e tij më e vështirë ishte varësia nga vodka që e niste me dy gota dhe e përfundonte me 30 të tilla në ditë. Ai shkoi në rehabilitim në vitin 1997 për marrjen e Vicodin dhe sërish në vitin 2001. 46-vjeçari tani ndihmon të tjerë për problemin e tij.
“Fakti që unë dal në TV bën që njerëzit të më dëgjojnë pak më shumë dhe kjo më ndihmon në punën time”– thotë ai. /lapsi.al/
