Kryeministri Edi Rama vazhdon të mos japë një përgjigje për arsyet e shkarkimit të Shkëlqim Canit si Ministër i Financave. Në emisionin “Shih Programin” të Enkel Demit ai tha se Shkëlqim Cani ka bërë një punë të lavdërueshme dhe se mbajtja e mandatit të deputetit ka qenë e rastësishme.
Pse ndodhën ndryshimet në qeveri?
Rast pas rasti, sipas rastit. Ka pas disa ndryshime rast pas rasti.
E pranoni se keni bërë gabim me zgjedhjen e Canit?
Jo fare, ai ka bërë punë të lavdërueshme në një periudhë shumë të vështirë dhe në përballimin e një sfide të madhe.
Pse nuk e dorëzoi mandatin, kishte marrëveshje?
Jo nuk ka pasur marrëveshje.
Jeni penduar për heqjen e mandateve?
Jo, absolutisht.
Pse nuk ia kërkuat Shkëlqim Canit mandatin?
Sepse u shty, pastaj ashtu mbeti. Nuk e di ekzaktësisht tani pse zgjati aq shumë, por u zgjat.
Gazetarët ta kujtonin shpesh…
Nuk para i dëgjoj gazetarët dhe ndoshta nuk kam pasur atë alertin e duhur.