“Dashuria është ajo që lëviz diellin e yjet e tjera”, është ky përkufizimi që i bën dashurisë Dante në Komedinë Hyjnore. Dashuria është ndjenja më e fuqishme që ekziston, motori i vërtetë i botës, është ajo që na bën që të zgjohemi çdo mëngjes me një qëllim, ajo që na çon përpara në çdo çast. Vetëm një djalë i dashuruar mund ta bëjë këtë surprizë kaq të bukur “gjysmës” së tij, të paktën kështu preferoj t’i quaj dy personat që jetojnë për njëri-tjetrin. Në ditët e sotme është fat që të kesh dikë që të do pa kushte dhe të kushton jetën e tij, e cila vetëm njëherë jetohet. Dionisi nga Elbasani i ka bërë një dhuratë të bukur njeriut të tij të zemrës, Jonadës, me të cilën ka 6 vite i lidhur. Kohë më parë ai mendoi që t’i bënte asaj propozimin për fejesë dhe për këtë bëri një skenar mjaft të bukur edhe me ndihmën e Arnelit, një mikut të tij. Ata jetojnë të dy në Elbasan dhe Dionisi, i cili merret me piktura mendoi që gjatë rrugës për në plazh të planifikonte gjithçka nëpërmjet një droni që filmoi momentin kur ai i propozoi Jonadës, të cilës i bëri edhe një portret një bregdet. Fjalët janë të tepërta për këtë video e cila është publikuar dje për Shën Valentin, ndaj s’ngelet gjë tjetër veçse t’ju themi shijojeni!
VIDEO/ Propozimi për fejesë i djalit nga Elbasani që ka pushtuar rrjetin
Arkiva, Syri i Lapsit
