Arrestohet nga policia gjyqtari i Kategorisë Superiore, Laver Alla. Shkak është bërë një aksident tragjik i ndodhur mbrëmjen e së martës në Lushnjë. Alla ka qenë në drejtimin e makinës së tij kur ka përplasur një motoçikletë duke i shkaktuar vdekjen një 66-vjeçari. Ai është arrestuar menjëherë nga forcat e policisë dhe pritet të verifikohet nëse ka qenë përgjegjës për aksidentin.