Policia britanike arrestoi të dyshuarin e dytë për sulmin me bombë në metronë londineze në stacionin “Parsons Green”, në Londër, ku mbetën të plagosur 30 persona.
Ky sulm terrorist u mor përsipër nga Shteti Islamik (ISIS).
Policia njoftoi se personi i arrestuar është 21 vjeç. Ai u vu në pranga ditën e djeshme në ora 23:50, në periferinë perëndimore të Londrës, në Hounsloë.
Policia bëri me dije se hetimet për këtë sulm vazhdojnë. Dyshohet se ka persona të tjerë të përfshirë në këtë sulm. /LAPSI.AL/