I riu që shihni në foto është Bajram Krasniqi, 22-vjeçari nga Babunja e Divjakës, që të premten e kaluar qëlloi tre herë drejt një 14-vjeçareje me të cilën ishte dashuruar, por nuk e dinte që kishte lidhje gjaku.
Në seancën për rivlerësimin e masës së sigurisë, 22-vjeçari u shfaq i penduar. Ai pranoi se qëlloi drejt 14-vjeçares, por theksoi se asnjë herë nuk kishte qenë në dije të lidhjes së gjakut.
Prokuroria nga ana tjetër ka ngritur ndaj të riut akuzat e vrasjes së mbetur në tentativë dhe armëmbajtje pa leje, mbi të cilat gjykata e Lushnjes vendosi ta lërë në qeli.
Krasniqi qëlloi me armë ndaj 14-vjeçares pasi mësoi se prindërit do ta fejonin me një tjetër.
Familjarë të vajzës thanë se kjo lëvizje kishte ardhur pikërisht për të penguar dashurinë e ndaluar, por pa arritur që të informojnë të riun për lidhjen e gjakut, shkruan Ora Neës.