Paraditen e sotme, në aksin Tepelenë – Krahës, një autobus i linjës Sarandë-Elbasan u përplas me një makinë tip ‘Volsvagen”.
Nga përplasja, të lënduar kanë mbetur një çift të rinjsh, të fejuar, nga fshatrat e Tepelenës, që udhëtonin me makinën. Raportimi më i fundit ishte për gruan në gjendje të rëndë. Të aksidentuarit janë dërguar drejt spitalit të Gjirokastrës.
Ambulancat e Gjirokastrës ende nuk kanë mbërritur në vendngjarje. Raportimet e para në spital flasin për rreth 8 persona të plagosur që mendohet se do të trajtohen në spitalin e Fierit për shkak të afërsisë dhe pasi ky spital është më i specializuar për trajtimin e rasteve të rënda. Akoma nuk ka konfirmim zyrtar për viktima.
Ende nuk dihen shkaqet e aksidentit. Forca të shumta policie kanë mbërritur në vendin e ngjarjes.