Nuk ka humbur kohë Arsenal ti përgjigjej fjalëve të thëna së fundmi nga Patrice Evra për Gunners. Ish-mbrojtësi, duke komentuar ndeshjen kundër Sheffield United për Sky Sports, kishte dhënë konsideratën, ekzaktësisht si në kohën e tij, se lojtarët e londinezëve ishin si ‘fëmijë’. E menjëhershme përgjigjia e kapitenit të Arsenal, Granit Xhaka. Sipas asaj që bën të ditur Metro e The Sun, 27 vjecari ka reaguar ashpër ndaj fjalëve të francezit.
“Kam shumë respekt për të sepse ishte një lojtar i madh, por duhet të ketë kujdes në ato që thotë. I njeh mirë këto situata, por nuk është i vetmi që i ka përjetuar. Shumë persona flasin e thonë vetëm k*****e dhe është gjithnjë e njësoj. Duhet të reshtim së foluri për anën mentale e idiotësi të tjera si këto. Më vjen keq ta them, por për mua është njësoj si kur luaj në shtëpi ashtu edhe jashtë: duhet të fitosh e të mos kërkosh alibi”.
Në fund Xhaka ka finalizuar sulmin e tij të fortë ndaj Evra: “Ish-futbollistët komentatorë? Për mua është e cuditshme sepse ata janë gjendur më parë në pozitat tona. Ndoshta ndonjëherë bëjnë mirë, herë të tjera jo. Nëse flet në këtë mënyrë cdo javë, humbet besueshmëri dhe respekt“.