• |
ide | kryesore

Eksperti gjerman paralajmëron të dërguarin e Trump: BE-në e ke kundër nëse do të merresh me idenë e shkëmbimit të territoreve në Kosovë

Arkiva, Lajme, Të fundit



Eksperti gjerman Bodo Weber në një intervistë për Gazetën Express, përveç problemeve të brendshme me të cilët po përballet BE-ja, dhe mos anëtarësimin e Maqedonisë së Veriut dhe Shqipërisë, ka folur edhe rreth dialogut Kosovë Serbi, dhe mundësisë së kthimit të idesë së korrigjimit të kufijve.

Bodo Weber ka folur rreth asaj nëse Gjermania do të mbetet e vetme si fuqi në Evropë kundër idesë së korrigjimit të kufijve marrë parasysh mospajtimet aktuale me Francën e cila asnjëherë nuk ka shfaqur një qëndrim përfundimtar për kufijtë, dhe momentumit të krijuar me caktimin e Përfaqësuesit Special të Trumpit, Richard Grenell, për të cilin thuhet se do të provojë të shtyjë përpara idenë e korrigjimit të kufijve.

Weber thotë se një gjë e tillë nuk do të ndodh, meqenëse një shumicë e madhe e shteteve të BE-së në një periudhë për më shumë se një vit, janë kundër idesë së rrezikshme të shkëmbimit të territoreve.

“Presidenti Makron më 20 Prill në Samitin e Berlinit e ka kuptuar përfundimisht se për çfarë bëhet fjalë, dhe ka folur kundër ‘zgjidhjeve’ etnike-territoriale. Dhe për afro një muaj ne do të kemi një Përfaqësues të Lartë, Borell, i cili është fuqishëm kundër idesë së shkëmbimit të territoreve. Edhe nëse Grenell seriozisht tenton të shtyjë përpara një ide për shkëmbim të territoreve, SHBA- vetëm, kundër gjithë BE-së, nuk do të jenë në gjendje që të realizojnë me sukës një ide të tillë të rrezikshme”, ka përfunduar Bodo Weber.



3 Comments

  1. Amerikanet bejne gjithmon ate qe dine te bejne . Te percajne te shkatrojne te skllaverojne te plackisin dhe vrasin miljona te shesin e blejne skllever si dikur kane bere por tani nen parrullen e peshtire po sjellim demokraci dhe po luftojme terorizmin qe vete e kane ideuar dhe zbatojne me kryetar shtetesh qe per para dhe kylla shesin dhe pjellat e tyre pasu veten e kane shit me koh.

  2. pikerisht kjo eshte thembra e akilit prandaj opoziten e rreshtuar kunder ndarjes se kosoves nuk e sjellin ne pushtet demokracia ne shqiperi eshte bere kurban

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *