Me thirrjet “Duam lekët tona” naftëtarët e Ballshit i janë drejtuar ambienteve të Rafinerisë dhe mbasi kanë shqyer derën kanë hyrë në ambientet e brendshme. Pasi çanë kordonin e policisë private, naftëtarë hynë brenda për ta gjetur rafinerinë krejt të braktisur, pasi asnjë punonjës i administratës e as pronari i kompanisë “ALLUM” nuk ishin aty. Duke mos gjetur askënd për t’i adresuar kërkesat e tyre naftëtarët kanë vazhduar marshimin përreth uzinës. Kryetari i sindikatës, Sokol Dautaj ka thënëë se kërkesat e tyre janë mjaft të qarta dhe se nga kjo kompani varet shumica e qytetit.
Në 3 shtator naftëtarët kanë firmosur kontratat dhe rrjedhimisht janë rikthyer në punë. Për sa i përket pagesës së tyre, kompania që administron rafinerinë është shprehur kohë më parë se do të kthejë vetëm pjesë të lekëve pasi sipas tyre një pjesë i takon për tu paguar nga kompania e mëparshme “Tosk Energy”.