Numri dy i Partisë Demokratike, Gazment Bardhi ka denoncuar realitetin e të rinjve duke e krahasuar me fasadën e kryebashkiakut Erion Veliaj. Sipas Sekretari të Përgjithshëm të PD-së, të rinjtë e Partisë Demokratike nuk kanë asnjë ngjashmëri me mashtrimet e Erion Veliajt.
“Të rinjtë demokratë dhe rinia e Shqipërisë nuk jetojnë në vilë 1 milion euro që e kanë “blerë” me lekët e gruas dhe as bëjnë dasëm 500 mijë euro në Kala me lekët e mamit, siç bën Erion Veliaj. Të rinjtë demokratë dhe shumica e të rinjve shqiptarë nuk vishen me xhupa 1000 euro, siç bën çdo ditë Erion. Të rinjtë demokratë dhe e gjithë rinia e Shqipërisë e do Tiranën. Ata nuk do ta shkatërronin atë si Erion Veliaj, që ka firmosur me mijëra leje ndërtimi për Kulla, ku pastrohen paratë e krimit të organizuar”, shkruhet në postimin e Bardhit.