Platformat kryesore të transmetimit kinez kanë censuruar së fundmi një episod të serialit “Friends”.
Sipas mediave bëhet fjalë për një episod ku personazhi Ross tregon se gruaja e tij ka një lidhje dashurie me një grua. Skenat me diskutimet për këtë gjë janë fshirë të gjitha, si edhe biseda të tjera rreth marrëdhënieve intime. Ky veprim ka shkaktuar irritim nga fansat të cilëtkanë protestuar me hashtagun #FriendsCensored. Hashtag-u mori më shumë se 54 milionë shikime por më vonë u censurua nga platforma. Në vitin 2016, Kina lëshoi udhëzime të reja duke thënë se shfaqjet televizive nuk duhet të përfshijnë linja historish që përfshijnë marrëdhëniet e homoseksualëve, si dhe tema të tjera që ekzagjerojnë anën e errët të shoqërisë.