• |
ide | kryesore

Detajet/ Nëndrejtorit të policisë i vunë pistoletën në kokë në Elbasan, por ai nuk tregoi

-Instant, Arkiva, Lajme, Të fundit

Arrestimi i dy zyrtarëve të lartë të policisë Albert Nushi dhe Nikollaq Palla ka zbuluar të tjera detaje nga ngjarja e 21 prillit 2021, ku në Elbasan u vra Pjerin Xhuvani.


E gjithë përplasja me armë mes 2 grupeve është parë nga dy zyrtarët e lartë të policisë të cilët fillimisht nuk reaguan, më pas heshtën dhe fshehën rrethanat e asaj që ndodhi 4 ditë para zgjedhjeve të 25 prillit 2021.


Sipas detajeve që dalin tani nga dosja e SPAK, mësohet se fillimisht ka pasur një përplasje mes një grupi mbështetësish të PD-së që kishin ndaluar një makinë e cila sipas tyre po shpërndante para për vota në favor të PS-së.

Këta të fundit thirrën mbështetësit e tyre dhe në momentin e mbërritjes prezente ishte edhe policia. Mësohet se një person mbështetës i PS-së i kishte vënë pistoletën në kokë nëndrejtorit të Policisë së Elbasanit për Rendin, Nikollaq Palla.

Këtë veprim e kanë parë të gjithë policët që ishin prezent në ngjarje dhe asnjëri prej tyre nuk ka reaguar. Edhe në dëshminë e tij Nikollaq Palla nuk e ka treguar këtë fakt ndaj ai akuzohet për “deklarim të rremë” dhe “shpërdorim detyre”.

Fakti është se ky person i njohur për redaksinë e lapsi.al është sot i lirë sepse ndaj tij nuk rëndon asnjë akuzë. I vetmi i arrestuar për këtë ngjarje është Arbër Papleka edhe pse në vendin e ngjarjes janë gjetur gëzhoja të 2 armëve të ndryshme dhe përveç viktimës u plagosën edhe disa persona të tjerë mes të cilëve edhe 1 efektive policie. ©LAPSI.al

5 Comments

  1. Policia kete pune ben prej kohesh, manipulon faktet ne vendgjarje. Jane thjesht mashe ne doren e pushtetit dhe krimit, jo ne sherbin te qytetarve dhe rendit publik.

  2. E PO PARTIA TENDE TE SHTRYDHE MIRE E MIRE DHE TE ARRESTON. ME KEMBE TE MBARE DERI TEK BEQIR BOLLUKU QEVERIA TENDE TE ARRESTON.

  3. Te hapesh vete deren e burgut per koken e taulant Balles apo Gazment Bardhit kjo eshte te vesh kujen per kete polici qe kemi. I shfrytezojne si ashe per te nxjere geshtenjat nga prushi dhe i flakin si lecka kur mbarojne pune

Lini një Përgjigje

Adresa juaj email s’do të bëhet publike.