Vladimir Putin ka nënshkruar “traktatet e anëtarësimit” që zyrtarizojnë aneksimin e paligjshëm të Rusisë të katër rajoneve të pushtuara në Ukrainë. Ky veprim shënoi marrjen më të madhe me forcë të territorit në Evropë që nga Lufta e Dytë Botërore.
Ceremonia e nënshkrimit, e mbajtur në kundërshtim me ligjin ndërkombëtar, u zhvillua në Pallatin e Madh të Kremlinit në prani të elitave politike të vendit dhe vjen pas referendumeve të rreme të orkestruara nga Kremlini në katër rajonet e Ukrainës, Kherson, Zaporizhzhia, Luhansk dhe Donetsk.
Putin e nisi ceremoninë me një fjalim të gjatë, luftarak dhe të zemëruar. Në këte fjalim lideri rus lëshoi kërcënime të reja bërthamore, duke premtuar se do t’i “mbronte” tokat e reja të aneksuara “me të gjitha forcat dhe mjetet në dispozicion“.
“Populli ka bërë zgjedhjen e tij. Një zgjedhje e qartë… Ky është vullneti i miliona njerëzve”, tha Putin, duke shtuar se qytetarët e katër rajoneve të pushtuara do të jenë pjesë e Rusisë “përgjithmonë”.
Lexo më tej: Putin: Nesër aneksohen territoret e Ukrainës
Menjëherë pas kësaj, Putin nënshkroi “traktatet e anëtarësimit” në një podium së bashku me krerët e instaluar nga Rusia të Zaporizhzhia, Kherson, Donetsk dhe Luhansk.
Disa orë më parë, forcat ruse nisën një sulm me raketa ndaj njerëzve që prisnin në makina në qytetin e Zaporizhzhia për të kaluar në territorin e pushtuar nga Rusia, në mënyrë që të mund të kthenin anëtarët e familjes në vijën e frontit, duke vrarë dhjetëra.
Ukraina dhe aleatët e saj perëndimorë kanë thënë më parë se nuk do të njihnin kurrë pretendimet e Rusisë mbi territorin e Ukrainës, ndërsa sekretari i përgjithshëm i OKB-së, António Guterres, tha të enjten në mbrëmje se aneksimi “nuk ka vlerë ligjore dhe meriton të dënohet”.
Vendimi i Putinit për të nënshkruar traktate që aneksojnë territoret, disa prej të cilave Rusia nuk i kontrollon plotësisht, është një përshkallëzim i madh i luftës shtatë-mujore të Rusisë dhe ka të ngjarë të mbyllë derën e diplomacisë për vitet në vijim.
Të marra së bashku, Rusia po anekson të paktën 40,000 milje katrorë të Ukrainës lindore dhe jugore. Thënë ndryshe, rreth 15% të sipërfaqes totale të Ukrainës, e barabartë me madhësinë e Portugalisë ose Serbisë.
Rajonet që aneksoi Rusia sot. Zonat rozë tregojnë kontrollin e forcave ruse, zonat e verdha atë ukrainas:
Putin ka thënë në mënyrë të përsëritur se është gati të mbrojë territoret duke përdorur të gjitha mjetet në dispozicion. Madje, ai ka treguar se do të ishte i gatshëm të përdorte një sulm bërthamor për të shmangur përpjekjet e Ukrainës për të çliruar tokën e saj sovrane.
“I bëj thirrje regjimit të Kievit të ndalojë të gjitha armiqësitë, të ndalojë luftën… dhe të ulet për negociata”, tha Putin në fjalimin e tij të premten.
Lexo më tej: Analiza e DW: Çfarë dëshiron të arrijë Putini me pseudoreferendumet në Ukrainë
Kievi ka treguar se do të luftojë për të rimarrë të gjitha tokat e tij. Presidenti i Ukrainës, Volodymyr Zelenski, premtoi një përgjigje të fortë ndaj aneksimeve. Zelenski ka thirrur një takim urgjent me shefat e tij të mbrojtjes dhe sigurisë.
Një koncert pop do të mbahet në Moskë të premten në mbrëmje në Sheshin e Kuq. Aty është ndërtuar një skenë me tabela elektronike gjigante që shpallin: “Donetsk, Luhansk, Zaporizhzhia, Kherson – Rusi!”
Nuk ishte menjëherë e qartë nëse Putin do të merrte pjesë në koncert. Ai organizoi një ngjarje të ngjashme në vitin 2014 pasi Rusia aneksoi Krimenë.
Arsyet që fshihen pas nxitimit të Putin
Aneksimet e Putinit shihen gjerësisht si një përgjigje ndaj vështirësive ushtarake në rritje në fushën e betejës. Në fillim të këtij muaji, Ukraina i shtyu trupat ruse nga rajoni i Kharkiv, duke rimarrë zonat e pushtuara nga Moska në ditën e parë të pushtimit.
Rusia tani po përballet me një tjetër humbje të rëndësishme ushtarake. Me mijëra trupa të saj të rrethuar në Lyman, një bastion i rëndësishëm strategjik në veri të provincës Donetsk. Donetsku është një nga katër rajonet që Putini ka shpallur pjesë të Rusisë.
Oleg Tsaryov, një politikan pro-rus me origjinë ukrainase, shkroi në mediat sociale si vijon. “Situata është shumë e vështirë në Lyman. Djemtë tanë mund të jenë tashmë të rrethuar plotësisht sonte. Situata në Lyman është një sfond i keq për një festë.”
Në një përpjekje për të ngadalësuar ofensivën e Ukrainës, Rusia javën e kaluar njoftoi mobilizimin e parë publik që nga Lufta e Dytë Botërore. Mobilizimi shkaktoi një vrapim drejt kufijve nga dhjetëra mijëra burra të moshës luftarake. Gjithashtu shkaktoi një ikje të re, ndoshta të paprecedentë të trurit. Zyrtarët pro-rusë në rajonin e pushtuar të Donetskut thanë se ushtarët e parë të sapomobilizuar mbërritën në Ukrainën lindore të premten.
Vendimi i Putinit për të aneksuar territore ndërsa mobilizon qindra mijëra rusë në shtëpi tregon se ai po rrit më tej aksionet në luftë, tha Tatiana Stanovaya, një analiste politike dhe themeluese e R.Politik.
“Mënyra se si Putin flet për Ukrainën, është e qartë se për të ky është një problem ekzistencial. Për të, nëse Rusia nuk fiton në Ukrainë, nuk do të ketë Rusi”. Kështu tha Stanovaya. “Rusia po demonstron se është e gatshme të përdorë çdo mjet që ka në dispozicion për të arritur qëllimet e saj strategjike. Përfshirë armët bërthamore.”
Përshtati nga The Guardian në shqip ©LAPSI.AL
KATALONJA KA TE DREJTEN PER VETEVENDOSJE
POR HIPOKRITET MASKARENJ NUK E LEJOJNE
oligarket aneksuan tere shqiperine
e jo me putini
Putini mori ate qe i perk8ste Rusise dhe se ka mare te gjithen. Ukraina edhte ndertuar me 70 perqind toka Ruse. Ta marrin ta zhdukin si shtet