Në Katar 2022, çështja e birrës është ende në qendër të vëmendjes. E u rishfaq në vëmendje edhe në sfidën e parë të turneut mes Katarit dhe Ekuadorit, të fituar nga miqtë 0-2. Në fakt, gjatë pushimit dhe në fund të ndeshjes hapëse të Kupës së Botës, tifozët ekuadorianë protestuan në mënyrën e tyre. Në fokus protesta ishte kundër ndalimit të alkoolit. Një masë e vendosur nga autoritetet vendase në stadiume, për gjithë turneun.
Lexo më tej: Video/ Nuk ka asnjë konspiracion, Katari futet negativisht në histori: Ekuadori shënon dy e i anullojnë një tjetër
“Queremos cerveza, queremos cerveza…”, ose “Duam birra, duam birra” ishte refreni i tifozve të Ekuadorit. Kjo thirrje ka bërë jehonë në stadiumin Al Bayt, në sytë e të gjithëve. Ditët e fundit, vendi pritës i turneut, me vendim të familjes mbretërore, kishte vendosur të revokonte lejen për shitjen e birrës në stadiume. Ky vendim ka provokuar protesta nga një prej sponsorëve të FIFA-s që prodhon këtë pije. E shumë mbështetës që kanë fluturuar në Katar për të parë ndeshjet janë krejtësisht të pakënaqur.
La hinchada #ECU ya tiene el primer hit del #FIFAWorldCup : “Queremos cerveza, queremos cerveza” pic.twitter.com/Pk91fYLug5
— Javier Lanza (@javierlanza) November 20, 2022
Për sa i përket ndeshjes, erdhi edhe një tjetër zhgënjim për organizatorët e Kupës së Botës. Debutimi i ëndërruar nuk mbërriti për Katarin. Kombëtarja katariote hyri në historinë e Kupës së Botës duke u bërë kombi i parë pritës që u mposht në debutimin e tij në botëror. Triumfoi Ekuadori, duke fituar 2-0 falë dygolëshit të kapitenit Enner Valencia. Sulmuesi konfirmoi formën e shkëlqyer të shfaqur me Fenerbahçe.