Piloti dhe pasagjeri i një avioni shpëtuan mrekullisht me plagë të lehta nga një aksident ajror. Mësohet se mjeti i tyre me një motor u përplas me një shtyllë të tensionit të lartë në një lartësi mbi 30 metra dhe qëndroi aty i bllokuar për disa orë. Avioni u rrëzua rreth orës 17:30 sipas kohës lokale në Montgomery Village, Maryland.
Si pasojë e këtij incidenti , 120 mijë konsumatorë mbetën pa energji elektrike në zonën e Uashingtonit. Ndërkohë rrugët u mbyllën dhe shumë semoaforë në zonë ishin jashtë funksionit. Sipas policisë piloti dhe pasagjeri i avionit u zbritën nga mjeti vetëm pas mesnatës.