Moti i keq që ka pushtuar ditën e sotme me reshje shiu dhe dëbore ka bërë që në disa zona energjia elektrike të ndërpritet. Kjo situatë është reflektuar edhe në qytetin e Lezhës.
Trashësia e dëborës në Mirditë ka arritur në 10 cm, ndërsa reshje bore ka pasur edhe në zonat malore të Kurbinit. Disa zona kanë mbetur pa energji elektrike: lagja nr.3 dhe 4 e qytetit Laç, zona e fshatit Kurbnesh dhe njësia administrative Fan. Ndërkohë akset rrugore deri tani janë të kalueshme dhe pa probleme.