• |
ide | kryesore

Kurti: Pas aplikimit në BE do të bëjmë hapin e radhës për në NATO

-Instant, Lajme, Të fundit


Kryeministri Albin Kurti është shprehur se vitin e ardhshëm ka synim fillimin e anëtarësimit në NATO. Duke iu përgjigjur pyetjeve të gazetarëve në Pragë pas dorëzimit të dokumentacionit për aplikim në BE Presidencës çeke, Kurti foli për planet e Kosovës për anëtarësim në organizata të tjera.

“Jemi në dhjetor dhe s’mund të kemi aplikime të reja sivjet, por në vitin e ardhshëm do të përgatitemi natyrisht që sa më shumë të integrohemi në mekanizma ndërkombëtarë e për synim e kemi Partneritetin për Paqe. Merreni me mend, në programin e Partnerit për Paqe është jo vetëm fqinji ynë verior, i cili ka qëndrim negativ ndaj NATO-s, por edhe shtete sikur ta zëmë Bjellorusia, por s’është Republika e Kosovës.

Besoj që Partneriteti për Paqe është gjëja e ardhshme për aplikimin tonë sa i përket pranimit të aplikimit dhe realizimit të anëtarësimit aty ka më shumë faktorë”, tha Kurti. “Pas aplikimit për Këshill të Europës, pas aplikimit për anëtarësim në BE, shpresoj se do ta bëjmë edhe hapin e radhës sa i përket NATO-s ku e kemi një lehtësi sado të vogël që në NATO i kemi katër shtete mosnjohëse për dallim prej BE-së ku janë pesë”, shtoi ai.


5 Comments

  1. Aspirata e Kosoves per t’u bere pjese e NATO-s eshte shkaku i vertete i acqrimit te serbeve dhe tensionit te krijuar nga Beogradi.

    Dite te veshtira do te kete Kosova pas aplikimit ne BE dhe do te perballet me skenaret ruso-serbo-sorosiane, por keto do te jene betejat e fundit per afirmimin si shtet i pavarur.

    Rezistenca ndaj tyre varet nga klasa politike ne Prishtine, ende e pavetedijeshme se ne Prishtine po shfaqet nje ballafaqim Rusi-NATO.

  2. Edhe turqia ka nja 30 vjet qe ka hap bisedimet me be, qe ne 1987.

    Sprish pune se aplikove , as kur fillon procesi, por kur mbaron….

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *