Një 49 vjecar mbeti i vrarë sot në Tiranë. Ai u qëllua me pistoletë nga një person i panjohur njoftoi policia. Si pasojë e plagëve humbi jeten Edmond Papaj.
Ai u transportua me urgjencë tek spitali i Traumës, por nuk i shpëtoi dot plagëve.
Rrethanat e ngjarjes ende nuk janë zbardhur.
NJOFTIMI I POLICISE
Rreth orës 16.30, në rrugën “Fadil Bodinaku”, në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë shtetasin E. P., 49 vjeç, i cili si pasojë e plagëve të marra ka ndërruar jetë në spital.
Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve.
Shërbimet e Policisë po vijojnë kontrollin e zonës për të bërë të mundur kapjen e autorit.