Nxënësit e shkollës Enaip të Pasian di Prato në Itali kanë bërë homazhe për 17-vjeçarin shqiptar që humbi jetën në një ndërtesë në Santa Caterina di Pasian di Prato. Ledjan Imeraj humbi jetën nga zjarri që shpërtheu në komunitetin e të miturve të pashoqëruar.
Fëmijët e shkollës thonë se e kanë të vështirë ta besojnë atë që ka ndodhur. Prej ditës së djeshme dollapi i tij ka qenë një vend homazhi për studentët dhe mësuesit. Disa njerëz lënë një kujtim, disa një lule, të tjerë ndalojnë në heshtje për ta kujtuar atë.
Kthimi pas festave të Krishtlindjeve ishte i vështirë. Shokët e tij të skuadrës e kanë të vështirë ta besojnë se nuk e dëgjojnë më zërin e Ledjanit.