• |
ide | kryesore

Anglia e bën nervoz, 4 ndeshje skualifikim për Casemiro: ja përse

-Instant, Sport, Video
Casemiro



Casemiro mori një tjetër karton të kuq direkt në ndeshjen e fundit të Manchester United kundër Southampton. E tani, Premier League e dënoi brazilianin me 4 ndeshje skualifikim. Nuk është një periudhë pozitive për Casemiro. Ish-lojtari i Real Madridit mori kartonin e dytë të kuq direkt në sezonin e tij të parë në Premier League.

Braziliani ka qenë pedina kryesore e mesfushës së Ten Hag në pjesën e parë të sezonit. Por së fundmi ai ka qenë pak i pranishëm në formacionin e Manchester United për shkak të pezullimit të vazhdueshëm. Në fakt, pasi humbi ndeshjen ndaj Arsenal për shumë kartonësh të verdhë, braziliani u përjashtua me karton të kuq ndaj Crystal Palace. Në atë rast Premier League e kishte dënuar atë me 3 ndeshje.

Mesfushori u rikthye në fushë në transfertën katastrofike në Anfield, ku Liverpool fitoi në mënyrë sensacionale 7-0 ndaj Djajve të Kuq. Në ndeshjen e radhës, atë kundër Southampton, Casemiro u përjashtua sërish me karton të kuq, sërish e kuqe direkte, për një ndërhyrje vrastare ndaj kundërshtarit. Një karton që i kushton shtrenjtë lojtarit dhe ekipit. Në fakt, rregullorja e Premier League parashikon një pezullim prej 4 ndeshjesh në rast të kartonit të dytë të kuq direkt.

Një situatë kurioze ajo e Casemiro. Në 8 sezone në La Liga ai nuk kishte marrë kurrë karton të kuq. Tani, në mesin e sezonit në Premier ka marrë 2, dhe brenda një muaji.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *