Java e tretë nga fundi e Premier League u mbyll me një sukses 3-0 për Liverpool në Leicester. Dygolëshi i Curtis Jones (33′ dhe 36′) dhe goli i Alexander-Arnold në minutën e 71′ i çojnë Reds fare pranë zonës Champions. Të besuarit e Klopp janë tashmë -1 nga vendi i katërt, por me Newcastle dhe United që kanë një ndeshje më pak. Nga ana tjetër, Foxes janë të parafundit me 30 pikë, 180 minuta nga fundi i kampionatit. Makthi i rënies është gjithnjë e më afër.
Liverpool nuk ka ndërmend të heqë dorë nga vendi i katërt. Demonstrimin e ka dhënë nga King Power Stadium me një 3-0 ndaj një Leicester asnjëherë më afër rënies. Në fillim Alisson bëri shpëtimtarin ndaj Vardy. Protagonist, në pjesën e parë, megjithatë, ishte padiskutim Curtis Jones, i ndihmuar edhe nga Momo Salah. Egjiptiani i shërbeu 22-vjeçarit që përfitoi nga krosimi i tij dhe shënoi. Pas një kontrolli në VAR, Klopp mund të festonte. Foxes e ndjenë goditjen dhe pësuan menjëherë të dytin, me Salah që shërbeu sërish për Curtis Jones që realizoi në minutën e 36′.
Leicester bëri pak dhe në pjesën e dytë erdhi edhe trisi i Reds. Asisti i tretë i mbrëmjes nga Salah, që komunikoi në mënyrë perfekte me Alexander-Arnold. Mbrojtësi shënoi golin e 3-0 në minutën e 71′ duke mbyllur ndeshjen. Fundi i takimit ishte akademi e pastër për Reds, që shkojnë në 65 pikë.
ZONA CHAMPIONS PËR REDS, RREZIKU CHAMPIONSHIP PËR FOXES
Liverpool i Klopp është -1 nga Newcastle dhe Manchester United, të cilët megjithatë kanë një ndeshje për të luajtur. Megjithatë, muajt e fundit e kanë lejuar Salah dhe shokët e tij të ëndërrojnë për një rikthim të bujshëm. Nga ana tjetër, ai që duhet të shmangin një makth në 180 minutat e ardhshme është Leicester. Foxes kanë 30 pikë dhe janë të parafundit në renditje. Shpëtimi, me Everton në kuotën 32, nuk është larg, por do të nevojitet një gjysmë mrekulli e stilit të vitit 2016, për të mos përfunduar në Championship.