Delir, brenda dhe jashtë fushës në Brazil. Kjo është ajo që ndodhi si gjatë ndeshjes Santos-Corinthians, në kampionatin brazilian, ashtu edhe në fund të saj. Tifozët vendas, vetëm pak minuta para bilbilit të fundit e nën dy gola, filluan të hedhin tymuese dhe shashka në fushë. Por jo vetëm. Sepse edhe pas takimit protestat dhe aktet vandalizuese vazhduan jashtë stadiumit. Disa përplasje me policinë ndodhën e deri tek vjedhja e një makine policie nga disa ultras.
Rezultati përfundimtar ishte 2-0 në favor të Corinthians, falë golave në pjesën e parë të Yuri Alberto dhe Ruan Oliveira. Humbje e rëndë për Santos, që me këtë disfatë rrëshqiti në vendin e 13 në kampionat. Një pozicionim shumë larg krahasuar me pritshmëritë fillestare. E kjo i zemëroi tifozët e Peixe. Ata nisën protestën, duke hedhur cfër kishin mundësi në fushë. Tymuese e shashka vërshuan si shi.
E se fosse na Arena hein?
Cenas lamentáveis!#Santos 0 x 2 #Corinthians
Estádio Vila Belmiro #Grêmio pic.twitter.com/sAFbweOzNl— Jairo Kuba 🎤 (@JairoKuba) June 22, 2023
Por protesta e mbështetësve të Santos nuk u ndal me kaq. Në të vërtetë, ajo vazhdoi e përshkallëzuar jashtë stadiumit. Disa tifozë filluan të përplasen me policinë, duke shkaktuar frenezi dhe momente çmendurie pranë Vila Belmiro, stadiumi ku u luajt ndeshja. Disa ultras madje kanë shkuar edhe më tej, duke vjedhur një makinë policie. Deliri, në atë moment, arriti në nivele të paimagjinueshme.
o torcedor do santos roubou uma viatura da polícia pic.twitter.com/cqbHvHoplv
— out of context brasileirão (@oocbrsao) June 22, 2023
Edhe një herë Brazili tregon se ka një pasion të shfrenuar dhe një ndjenjë të papërshkrueshme për futbollin. Por – siç ka ndodhur shpesh në të kaluarën – e manifeston atë në mënyrën më të keqe të mundshme: me dhunë dhe brutalitet. Dy karakteristika që nuk duhet, madje nuk mund, të përfaqësojnë popullin brazilian.