Ajo që ndodhi në Brazil gjatë ndeshjes ndërmjet Confianca dhe Sergipe (fitore për vendasit me penallti), ndeshja e dytë e kampionatit Sergipano, ishte e pabesueshme. Gjatë intervalit, një tifoz u arrit nga disa oficerë policie dhe u shoqërua prej tyre para syve mosbesues të të pranishmëve. E gjitha për shkak të një gabimi sensacional të inteligjencës artificiale.
TIFOZI I ARRESTUAR GABIMISHT, RRËFIMI
“Dukem si një kriminel, një i arratisur – thuhet në postimin e publikuar në Instagram nga Joao Antonio Trindade Bastos, një tifoz 32-vjeçar i Confianca – por ai që kapi policia jam unë. Të shtunën, gjatë finales së kampionatit Sergipano, kam përjetuar një situatë që nuk do ta kisha menduar kurrë se ishte e mundur. E ndaj me turp dhe indinjatë që diçka të bëhet në këtë drejtim dhe episode të tilla të mos ndodhin më”.
<MUNDËSIA E FUNDIT PËR TU RRËFYER>
Më pas edhe rrëfimi i marrjes në pyetje, që u zhvillua në një dhomë brenda stadiumit. Aty, me metoda të ashpra, tifozi u vu nën presion për të pranuar fajësinë. “Më thanë <Ky është shansi i fundit që ti të rrëfehesh. Je identifikuar nga një sistem i njohjes së fytyrës nga Inteligjenca artificiale që nuk ka gjasa të jetë i gabuar”. Unë u thashë emrin tim, u dhashë dokumentet e mia dhe adresën time të shtëpisë. Kështu, pasi kontrolluan monitorin dhe kuptuan se ishte një gabim, ata më thanë se ishte procedurë standarde dhe në atë moment më liruan”.