Prokuroria e Katanias ka dhënë tre urdhëra arresti për tre italianë, pasi dyshohet se kanë gishtë në vrasjen e Kastriot Ismailaj.
Ngjarja ndodhi në Nesima të Katanias më datë 7 qershor 2023, ku 27-vjeçar shqiptar u qëllua , me plumb në kokë nga një shtetas italian, Giovanni Di Benedetto, i cili plagosi edhe një italian 43-vjeçar në shtëpinë e shqiptarit.
Ismalaj u dërgua me urgjencë për në spitalin e Garibaldi Centro, por nuk ka mundur t’i mbijetojë plagëve të marra.
Ndërkohë, përveç Di Benedetto i cili ishte arrestuar më parë si autori kryesor i vrajses, karabinierët kanë zhvilluar një hetim në kuadër të vrasje së shqiptarit, ku kanë zbuluar se të përfshirë në krimin e rëndë ishin dhe 23-vjeçari Pasqualino Di Benedetto dhe 33-vjeçari Antonino Castelli.
Hetimet nga Policia Italiane kanë bërë të mundur gjetjen e informacionit, ku ka elementë që tregojnë se Giovanni Di Benedetto, Pasqualino Di Benedetto dhe Antonino Castelli ishin në konkurrencë për shtëpinë ku u vra shqiptari dhe u plagos italiani.
Sipas medieve italiane, shtëpia mendohet të ketë qenë e pabanuar që në vitin 2018, ku më pas ka lindur dhe konflikti pasi banesa nuk kishte një pronar dhe tre italianët donin t’a merrnin si pronë të tyren.