Tom Holland nuk e do Hollywood-in. Aktori pranoi se industria e argëtimit “nuk është për mua” pavarësisht dashurisë së tij për filmin.
“Shiko, unë jam vërtet një adhurues masiv i bërjes së filmave, por vërtet nuk më pëlqen Hollywood-i, nuk është për mua”, tha ai në podcastin “On Purpose” të Jay Shetty. “Industria me të vërtetë më frikëson. E kuptoj që jam pjesë e atij biznesi dhe më pëlqen lloji i ndërveprimeve të mia me të.”
Holland vazhdoi, “Por unë jam gjithmonë në kërkim të mënyrave për ta hequr veten nga ajo, për të jetuar një jetë sa më normale të jetë e mundur.” “Sot, bërja e këtij [podcast] është një gjë shumë e rrallë për mua,” shtoi ai, duke vënë në dukje se platforma e Shetty-t ndihej si një “hapësirë e sigurt” për të.
Tom tha se disa nga miqtë e tij kanë “humbur” në industrinë e argëtimit dhe ka frikë se e njëjta gjë do t’i ndodhë atij. “Padyshim që një mendim i vazhdueshëm, është ‘Mos e humb veten’”, u shpreh aktori. “Kam parë kaq shumë njerëz të vijnë para meje dhe të humbasin veten, dhe kam pasur miq me të cilët jam rritur që nuk janë më miqtë e mi, sepse e kanë humbur veten në këtë biznes.”
“Unë jam me të vërtetëi prirur të fokusohem në atë që më bën të lumtur, që është familja ime, janë miqtë e mi. Është zdrukthtaria ime, golfi im, bamirësia që drejton nëna ime. Pikërisht, këto janë gjërat që më bëjnë vërtet të lumtur dhe këto janë gjërat që duhet të mbroj.”/Lapsi.al