Pas pothuajse 5 muajsh në kërkim është arrestuar i shpalluri në kërkim për vrasje Henri Gjapi. Ai ishte në kërkim pas ngjarjes së rëndë që ndodhi mesnatën e 31 marsit në zonën e ish-bllokut në Tiranë. Si pasojë e një konflikti mbeti i vdekur Gentian Talja.
Policia njofton se 26-vjeçari Gjapi ishte shpallur në kërkim, pasi Gjykata e Shkallës së Parë e Juridiksionit të Përgjithshëm Tiranë, i ka caktuar masën e sigurisë “Arrest në burg”, për veprën penale “Vrasja nga pakujdesia”. Materialet procedurale i kaluan Prokurorisë pranë Gjykatës së Rrethit Gjyqësor Tiranë.