Në muajt e fundit, Arabia Saudite është bërë papritur një destinacion qendror për futbollin botëror. Pasi kanë siguruar paraqitjet e disa kampionëve të mëdhenj si Cristiano Ronaldo, Karim Benzema dhe Neymar, sheikët janë gati të marrin tashmë edhe arbitrat kryesore ndërkombëtare. Siç raporton “The Times”, Arabia Pro League në fakt po përpiqet të bindë disa arbitra anglezë që të gjykojnë ndeshjet e kampionatit elitar, duke i hapur kështu dritaren një merkatoje të paprecedentë.
Në qendër të vëmendjes nuk janë vetëm zyrtarët e ndeshjeve të përtej Kanalit. Synohen edhe kolegë evropianë që kanë kaluar kufijtë e Gadishullit Arabik në të kaluarën për të marrë pjesë në disa ndeshje miqësore. Faktori ekonomik do të kishte edhe një herë diferencues, duke pasur parasysh se Michael Olivier fitoi 3,471 euro vetëm për arbitrimin e ndeshjes mes Al Hilal dhe Al Nassr. Një tarifë e cila, për gjithë sezonin, mund të ishte shumë më fitimprurëse sesa ajo që ofron Kontinenti i Vjetër.
Lexo më tej: Hetimi i ‘The Athletic’ zbulon bllofin e madh të Saudi League: “Shumë klube nuk paguajnë rrogat”
Arbitri udhëtoi në business class deri në Riad, ku fitoi një shumë të barabartë me dyfishin e asaj që mund të kishte fituar në një ndeshje të Premier League. Aktualisht aty, gjatë një viti, merr nga 139,000 deri në 347,000 euro. Standardi i arbitrimit në Arabinë Saudite është vënë më parë në pikëpyetje, me ish-arbitrin e Premier League, Mark Clattenburg, që afirmoi se arbitrat që ai mbikëqyri në 2017 dhe 2018 si vëzhgues kryesor i arbitrave të vendit” nuk përputheshin me standardet bazë dhe të kuptuarit e rregullave të lojë”.