Mund të thuhet se është një moment vërtet i ndërlikuar për Ante Rebic në Turqi. Sipas mediave lokale, ish-sulmuesi i Milanit u përjashtua nga stërvitjet e Besiktas. Vendimi ishte i trajnerit të përkohshëm Burak Yilmaz, për shkak të sjelljes së padisiplinuar të kroatit. Skuadra po përgatitej për ndeshjen kundër Gaziantepit, të planifikuar për këtë mbrëmje, kur tekniku mori vendimin e fortë.
Rebic ka vuajtur shumë për të gjetur një hapësirë në formacion në klubin turk. Kroati zbarkoi aty në verë, pas 4 sezoneve me ulje-ngritje në radhët e Milan. Deri më tani ai ka bërë 9 paraqitje mes Süper Lig dhe Conference League, pothuajse gjithmonë duke u nisur nga pankina dhe pa arritur të zhbllokohet.
Lexo më tej: Video/ Tirana tronditet, Besikas në kthim me dy milanistët Rebic e Messias: “I lumtur që jam këtu”
Kroati në fakt ishte blerja e madhe e Besiktas. Kroati u transferua në Stamboll, pikërisht përpara ndeshjes së kthimit me Tiranën, në raundin e dytë të Conference League. Sidoqoftë, Rebic kundër bardhebluve nuk luajti, por edhe në kampionat kroati nuk ka mundur të lërë gjurmë. Tani, me përjashtimin nga stërvitja sulmuesi ka prekur fundin. 30 vjeçari i dha fund aventurës te Milani, ku luajti 123 ndeshje dhe shënoi 29 gola. Besiktas për transferimin e tij pagoi 500,000 euro, ndërsa bonuset mund të shkonin deri në 2 milionë.
Beşiktaş’ta Ante Rebic krizi! Burak Yılmaz antrenmandan kovdu https://t.co/oXzTmRsGJJ pic.twitter.com/K5hnOg7mpU
— CNN TÜRK Spor (@CNNTURKSpor) October 30, 2023