Padyshim që nuk ka kaluar pa u vënë re prania në San Siro, me rastin e ndeshjes së Champions League Milan-PSG, e dy ish-kampionëve të mëdhenj të kalibrit të Thierry Henry dhe David Beckham. Të dy, gjithmonë bashkë, para, gjatë dhe pas ndeshjes, kanë dhuruar foto, buzëqeshje dhe përqafime për tifozët. Sidoqoftë ata kanë spikatur edhe për një skenë surreale përpara fillimit të ndeshjes. E “inskenimi” është pikërisht termi i duhur për të përshkruar episodin.
HENRY, BECKHAM E PATATINAT
Në një video që u shfaq në rrjetet sociale dhe u bë shumë shpejt virale, dy ish-lojtarët e mëdhenj shihen pranë njëri-tjetrit duke u grindur. Beckham mbante në dorë një pako me patatina. Pronari aktual i Inter Miami në një moment fut dorën në paketim për të marrë ndonjë, por e kupton që fatkeqësisht është bosh. “Faji”, në këtë rast, padyshim, është i Thierry Henry.
“Seriozisht? I ke ngrënë të gjitha patatinat?”, duket se i thotë anglezi francezit me një vështrim akuzues. Ish-lojtari i Arsenal dhe Barcelonës ndërkohë tregonte indiferencë totale. Një skenë e denjë për një kopsht fëmijësh klasik dhe shumë qesharake madje, nëse nuk do të ishte për faktin se nga fillimi në fund gjithçka ishte e përgatitur. Bëhej fjalë në fakt për një publicitet për markën e patatinave, të cilën, jo rastësisht, Beckham e mbajti në evidencë. Sepse në fund gjithçka rrotullohet gjithmonë rreth biznesit…
😂🤝 Beckham to Henry: “You eat my chips?!” — both are at San Siro right now for Milan vs PSG. ❤️ pic.twitter.com/pfQFuIziDU
— EuroFoot (@eurofootcom) November 7, 2023