Araceli Torrado, ish e dashura e David Nalbandian, ka denoncuar ish-tenistin argjentinas. Modelja dhe influencuesja pretendon se Nalbandian, i cili ka fituar 11 tituj ATP dhe tani është trajner tenisi, ka instaluar një kamerë për ta spiunuar në shtëpi. 41-vjeçari, duke folur për Clarin, mohoi gjithçka: “Ajo thjesht kërkon para dhe famë”
Në fakt, Araceli Torrado prezantoi një audio, ku David Nalbandian pranon se ka vendosur një aparat fotografik në ventilim. “Po, e vendosa atë ditë, por nuk munda ta shikoja sepse nuk e di se çfarë kaosi është me internetin. “Unë nuk di asgjë… çfarë ndodhi dhe çfarë nuk ndodhi”, tregon në regjistrim ish-tenisti.
Në një pjesë tjetër të audios, atleti pranon edhe një herë se në apartamentin që ndante me modelen Torrado kishte një telekamera: “Kamera u ndez nga njerëzit që punësova, por nuk pashë asgjë”.
Lexo më tej: Denoncimi i ish-tenistes Sara Ventura: “Trajnerët donin të më futeshin në shtrat, më dënonin se nuk pranoja”
Nisur nga konfuzioni që ka krijuar çështja, në një postim në rrjetet e saj, modelja është shprehur: “Duke pasur parasysh kërkesat që marr në lidhje me ngjarjet e të cilave kam qenë viktimë dhe autori i të cilave është David Nalbandian, ju bëj me dije se unë po kryej veprimet përkatëse juridike penale dhe civile. Faleminderit që jeni kujdesur për mua dhe më keni dhënë mbështetjen tuaj në këtë moment”, thotë Torrado.