Nicki Minaj ishte së fundmi e ftuar në Watch What Happens Live With Andy Cohen dhe mori pjesë në segmentin Plead the Fifth të emisionit.
Gjatë marrjes në pyetje, 41-vjeçarja e nominuar për GRAMMY u pyet se sa do t’i kushtonte asaj kthimi i American Idol si gjyqtare.
“Tridhjetë,” u përgjigj ajo, me Cohen duke sqaruar: “Tridhjetë milionë. Ajo e di çmimin e saj. Më pëlqen!” Minaj ishte gjyqtare në sezonin 12 të American Idol në 2013 së bashku me Mariah Carey, Keith Urban dhe Randy Jackson.
Minaj dhe Carey nuk shkuan mirë gjatë kohës së tyre në shfaqje dhe një video u zbulua në TMZ nga një prej audicioneve, e cila tregonte Minaj duke sulomuar Carey. Thuhet se reperja e kërcënoi këngëtaren, duke e shtyrë Mariah të rrisë sigurinë e saj, megjithëse reperja i ka mohuar këto pretendime.
Tensioni i tyre vazhdoi gjatë gjithë sezonit, me Carey që tha më vonë në një intervistë radiofonike se të punosh me Minaj në Idol ishte si “të shkosh në punë çdo ditë në ferr me Satanin”.
Nicki ishte më pozitive për ditët e saj të Idol kur ishte e ftuar në The Ellen DeGeneres Show, duke thënë: “Nuk do ta ndërroja atë me botën. Ishte një përvojë e shkëlqyer mësimi, sinqerisht.”/Lapsi.al