Sofia Vergara: Nuk doja të kisha fëmijë me Joe Manganiello

Sofia Vergara po zbulon arsyen pse ajo dhe Joe Manganiello i dhanë fund romancës.

Në një intervistë me El País, aktorja e Griselda diskutoi pse ajo dhe bashkëshorti i saj prej shtatë vitesh vendosën të divorcoheshin në vitin 2023.

“Jam e sapo divorcuar nga burri im i dytë, me të cilin kam qenë për 10 vjet. Martesa ime u prish sepse burri im ishte më i ri,” tha ajo. “Ai donte të kishte fëmijë dhe unë nuk doja të bëhesha një nënë e vjetër. Ndjej se nuk është e drejtë me fëmijën. Unë respektoj këdo që e bën këtë, por kjo nuk është më për mua.”

“Kam pasur një djalë në moshën 19 vjeç, i cili tani është 32 vjeç dhe jam gati të bëhem gjyshe, jo nënë”, shtoi Vergara për të dhe djalin e Joe Gonzalez, Manolo. “Pra, nëse dashuria vjen,  duhet të vijë me fëmijët e tij. Unë jam pothuajse në menopauzë; kjo është mënyra e natyrshme e gjërave. Kur djali im të bëhet baba, le ta sjellë fëmijën tek unë për pak kohë dhe pastaj do t’ia kthej dhe do të vazhdoj jetën time; kjo është ajo që duhet të bëj”.

Pas ndarjes së saj, Vergara tha për median se ndihet “shumë e përmbushur” në jetën e saj profesionale.

“Kam bërë shumë më tepër në karrierën time sesa kam ëndërruar ndonjëherë. Nuk kam ëndërruar kurrë të bëhem aktore. Ishte një aksident,”shtoi ajo. “Kam katër vjet që jam pjesë e America’s Got Talent, një shfaqje ku argëtohem shumë… Unë kam markën time të veshjeve dhe bukurisë. As që mund të mendoj të ankohem për asgjë.”

Në fillim të këtij muaji, gjatë një interviste në CBS Sunday Mornings, Sofia foli gjithashtu për divorcin në qendër të vëmendjes.

“Kjo është pjesë e të qenit një personazh i famshëm. E dija se do të ndodhte. Nuk mund t’i fshehësh ato gjëra,” tha ajo. “Nuk ishte keq. Më duhet të them se shtypi ishte shumë i respektueshëm. Mendova se do të shpiknin më shumë gjëra, ju e dini se si bëjnë zakonisht. Dhe unë u befasova disi. Ata thjesht raportuan se çfarë ndodhi dhe kjo ishte ajo.”

Menjëherë pas kësaj, duke u shfaqur në The Tonight Show Starring Jimmy Fallon, Vergara zbuloi se ajo është beqare pas romancës së saj me Dr. Justin Saliman. Sa i përket Manganiello-s, ai aktualisht është në lidhje me aktoren Caitlin O’Connor./Lapsi.al