Mjeku pediatër Kujtim Ibrahimi përmes një komunikimi të drejtpërdrejtë në News24 ka folur rreth situatës së krijuar nga rikthimi i fruthit në vend.
Ibrahimi u shpreh se fruthi mund të shmanget përmes kryerjes së vaksinës, e cila sipas tij shpesh herë shmanget nga prindërit e fëmijëve me frikën se ajo mund të shkaktojë autizëm.
Sipas tij fruthi mund të sjellë komplikacione tepër të rënda që mund të shkojnë deri në infeksion truri ose vdekje.
Ai përsëriti apelin për kryerjen e vaksinës duke theksuar se ajo është e vetmja mënyrë për shmangien e virusit dhe garantimin e shëndetit të fëmijëve.
“Ka mjaft refuzime të bërjes së vaksinës së fruthit me aludimin se ajo mund të shkaktojë autizëm, por kjo nuk është e provuar. Çdo fëmije i vaksinuar është i mbrojtur përjetë nga fruthi. Fëmijët e pavaksinuar rrezikojnë të përballen me komplikimet e fruthit, që janë tepër të rënda.
Jemi përballur me situata shumë të vështira, ka pasur infeksion të trurit që është edhe rasti më i rëndë që shkakton vdekje ose probleme të rënda neurologjike. Ky virus përhapet përmes pështymës, ajrit dhe kjo ndodh kur këta fëmijë shkojnë në vende me grumbullime njerëzish.
Të gjitha statistikat tregojnë se të sëmurët me fruth janë të pavaksinuar. Vaksina e mbron fëmijën nga këto komplikime. Që të gjithë ata që nuk kanë bërë vaksinën e fruthit duhet ta bëjnë atë”, u shpreh ai.
Me 1 fjale, e ka hallin te beni vaksinen! Nuk u ngopen keta rq me vaksinen e Covid 19 qe po vdesin njerezit rrugeve! Mos e beni vaksinen e fruthit, autizmi vdekje eshte njesoj! Fruthi kurohet po te zuri..
Ik ore injorant. Fruthi te le çyryk, nese shpeton, se ka me shume shanse qe femija torturohet e vdes.. Nuk kuptohet lojen e piset te kujt beni o qelbesira..