Vincent Kompany si trajner i ri i Bayern Munich. Klubi bavarez ka hedhur sytë nga ish-mbrojtësi i Manchester City, i cili e mbylli sezonin me rënien e hidhur të Burnley në Champions. Megjithatë, gjermanët kanë parë tek ai profilin e duhur për të nisur një rrugë të re të rritjes së ekipit, totalisht revolucionare në krahasim me atë që kanë parë vitet e fundit. Jo më trajnerë të mëdhenj, por të rinj me perspektivë të aftë për të dhënë edhe ide të reja nga pikëpamja e lojës e për të përballuar presionin e një klubi kaq të njohur. Pak a shumë si ajo që ndodhi me Naglesmann, i cili më pas refuzoi të kthehej dhe qendroi trajner i Gjermanisë.
Ky është në terma të gjerë projekti strategjik i Bayern, i cili, për të thënë të vërtetën, kishte synuar menjëherë Xabi Alonson për të zëvendësuar Tuchel, përpara se të përballej me refuzimin e trajnerit të Leverkusen. Kështu, refuzimi erdhi edhe nga Rangnick që nuk dëshironte të ulej në pankinën prestigjioze të Bayern, me klubin që papritur u gjend pa një timonier për t’i besuar fatin e skuadrës duke filluar nga sezoni i ardhshëm. Tani emri i Kompany që do të përfaqësonte fillimin e një projekti të ri.
KONFIRMIMI I NEGOCIATAVE
Sipas asaj që u zbulua nga Fabrizio Romano, Kompany duket se tashmë ka marrë një telefonatë direkt nga drejtuesit e Bayern për t’u informuar për situatën e tij. Kompany është i hapur për negociata, të cilat janë ende në fazën fillestare, por interesi konfirmohet: trajneri është në listë. Kompany ka pasur dy eksperienca si trajner në karrierën e tij. E para në pankinën e Anderlecht në 2020 dhe më pas te Burnley në 2022, duke e rikthyer skuadrën në Premier League para rënies së re këtë vit.
🚨🔴 More on Vincent Kompany and FC Bayern story revealed earlier today.
Understand Kompany has already received direct call from Bayern board to be informed on his situation.
Kompany was open to discuss, still early stages but interest is confirmed — he’s in the list. pic.twitter.com/wtysusOFcl
— Fabrizio Romano (@FabrizioRomano) May 20, 2024
MODULI I PREFERUAR
Kompany preferonte 4-2-3-1 te Burnley, skemë me të cilën Bayern ka arritur suksese të shumta në të kaluarën. Kështu që për momentin Bayern tani po fokusohet në një grup të vogël kandidatësh për trajner nga Premier League. Pas refuzimit të Crystal Palace për lirimin e Glasner, ka emra të tjerë në listë, por Kompany në fakt duket se ka një shans për t’u bërë tekniku i ri. Kompany është gjithashtu i njohur me Bundesligën pasi ka luajtur në Gjermani midis viteve 2006 dhe 2008.