Në ditën e startit të Kampionatit europian në Gjermani, rritet alarmi për sigurinë. Në vëmendje, mbi të gjitha, është përplasja Serbi-Angli, ndeshja debutuese e kombëtares së Tre Luanëve në Euro 2024, të cilën policia vendase e vlerëson si ndeshjen me rrezikshmërinë më të lartë të incidenteve në të gjithë turneun. Alarmi ka të bëjë veçanërisht me ardhjen e frikshme të rreth “500 huliganëve serbë në kërkim të dhunës”, sic konstatohet nga raporti i policisë gjermane.
Burime të policisë kanë konstatuar se ultrasit serbë mund të jenë në zotërim të mjeteve të mundshme luftarake. Për të përballuar këtë rrezik potencial, autoritetet lokale kanë forcuar ndjeshëm mbikëqyrjen. Ata kanë njoftuar vendosjen e 1300 oficerëve më shumë, në krahasim me ndeshjet e tjera, në Euro 2024.
Lexo më tej: Starton Euro 2024: Gjermania zbret e para në fushë kundër Skocisë, që kërkon të shesë lëkurën shtrenjtë
Ndër ultrasit më të frikshëm europianë janë dy grupe të organizuara mbështetëse të dy klubeve të mëdha të Beogradit, Partizanit dhe Crvena Zvezda: përkatësisht të quajtur Grobari (që do të thotë Varrmihësit) dhe Delije (që do të thotë Heronjtë). Nuk është hera e parë që ultrasit serbë sjellin pështjellime në ndeshje ndërkombëtare, por këtë herë rreziku është i madh nga kundërpërgjigja që mund të ndodhë nga ultrasit anglezë, që ishin pikërisht ato që i dhanë kuptimin e sotëm termit huliganë.
England’s opening Euro 2024 match against Serbia on Sunday in Gelsenkirchen is one of 4 Euro games deemed “high-risk" by German authorities.
So how serious is the threat of trouble, and what measures are being put in place?https://t.co/3I6tANIaXC— Dan Roan (@danroan) June 12, 2024