Ata i thanë po njëri-tjetrit në perëndimin e diellit, përballë detit të mrekullueshëm të ishullit të Vullkanit: Diletta Leotta dhe Loris Karius u bënë burrë e grua pasditen e djeshme në Therasia Resort, të rrethuar nga dashuria e të afërmve dhe miqve, mes të cilëve edhe shumë VIP-a, si Chiara Ferragni, Elisabetta Canalis, Elodie, Michelle Hunziker me vajzën e saj Aurora dhe Eleonora Berlusconi (dëshmitare nusërie).
Në ceremoninë fetare, e paraprirë nga një “white party” luksoze mirëseardhje për të gjithë të ftuarit, morën pjesë 160 të ftuar. Prezantuesja e Dazn, me një fustan të bardhë të kompletuar me një vello mbi të cilën ishte qëndisur shprehja “All I ever ëant”, u shoqërua në altar nga babai i saj. Ndërsa portieri gjerman i Newcastle e priste pranë nënës së tij.
Lexo më tej: Diletta Leotta, pas fëmijës edhe unazë me Loris Karius: “Duhet t’ju them diçka.. I said yes!”
Leotta, e lindur në Catania në vitin 1991, donte ta festonte këtë ditë të rëndësishme në Sicilinë e saj të lindjes. Nusja eci nëpër tapet me melodinë e All of me, duke shtrënguar një buqetë të vogël në duar. Të sapomartuarit, dukshëm të emocionuar, temën e dasmës së tyre ia kanë kushtuar Arias së vogël, vajzës që do të mbushë një vjeç në gusht, duke shkruar frazën “Aria e dashurisë” në servirjen për të ftuarit.