Eksperiencë e keqe për familjen e spanjollit Alvaro Morata, viktimë e një vjedhjeje të re në shtëpinë e tij. Sipas asaj që u raportua në rrjetet sociale nga Alice Campello, gruaja e sulmuesit të Atletico Madrid, disa hajdutë hynë në shtëpi ndërsa ish-lojtari i Juventus, Chelsea dhe Real ishte në kampin stërvitor me Spanjën në Euro 2024.
“Dje na vodhën gjithçka që kishim marrë me vete në pushime – shkroi Alice në Instagram -. Preferoj ta them unë para se të mësohet dhe t’ju siguroj se të gjithë jemi mirë. Tani kemi njerëz që qëndrojnë me ne 24 orë dhe jemi të gjithë më të qetë – shtoi ajo, duke qetësuar miqtë dhe të afërmit -. Ju përqafoj”.
Në familjen Morata nuk është hera e parë që hajdutët hyjnë në shtëpinë e tyre. Në fakt, edhe në vitin 2019, Alice Campello ishte grabitur ndërsa ndodhej vetëm me fëmijët në shtëpinë e saj.
