Selena Gomez ka shpjeguar së fundmi se si jeta dhe shëndeti i saj mendor ka ndryshuar që nga rinia e saj.
Këngëtarja shkoi në TikTok për t’iu përgjigjur një postimi të bërë nga një fans i cili ndau një video të Gomez kur ajo ishte më e re, dhe i shkroi asaj: “Unë e di dhe po ashtu edhe ju se në atë kohë ti nuk do të ishe lidhur me Benny. Ajo ishte në epokën e saj të IT GIRL.” Gomez iu përgjigj: “Më bën për të qeshur sepse isha shumë në depresion atëherë lol.”
Gomez dhe Blanco – të cilët e filluan lidhjen e tyre si bashkëpunëtorë dhe miq – konfirmuan lidhjen e tyre në dhjetor 2023. Që atëherë, dyshja kanë qenë të zëshëm për të ndarë pjesë nga romanca e tyre.
Të mërkurën e kaluar, artistja hyri në Instagram për të ndarë një seri fotosh të ëmbla dhe një mesazh për të dashurin e saj. “Faleminderit që ndave jetën me mua sot dhe çdo ditë ”, ka shkruar 32-vjeçarja.