Vajza transgjinore e Elon Musk sulmoi së fundmi autorin, Walter Isaacson rreth biografisë së tij më të shitur të babait të saj.
Vivian Jenna Wilson, e cila ndryshoi emrin dhe gjininë dy vjet më parë pas ditëlindjes së saj të 18-të, bëri një mori akuzash për librin në Threads.
“Për Walter Isaacson, më hodhe tek ujqërit në atë që ishte një nga përvojat më poshtëruese të gjithë jetës sime”, shkroi Wilson.
Ajo tha se libri, i titulluar Elon Musk, e trajtonte atë si një “antagoniste për të justifikuar ose shpjeguar sjelljen e [Musk]”. “Sikur e gjithë ekzistenca ime të ishte gjë tjetër veçse një shqetësim për të”, shtoi Vivian.
“Zoti e bekoftë shpirtin e gjorë që abuzoi me fëmijën e tij, kjo duhet të jetë shumë e vështirë për të.”
Wilson ndjeu se identiteti i saj ishte “i banalizuar”, tha ajo, duke shtuar se po “trajtohej si naive; budallaqe.”
Ajo gjithashtu sqaroi se quhet Vivian, “jo Jenna siç nënkupton libri”. Wilson thotë se Jenna është emri që miqtë e saj të shkollës së mesme dhe nëna e saj – ish-gruaja e Musk, Justine Wilson – përdorin për t’iu referuar asaj. “Unë mendoj se kjo tregon se sa shumë kërkime u bënë në të vërtetë për këtë.Unë nuk po e lë këtë tregim të vazhdojë më tej.”