Ditën e sotme vendi ynë do të jetë në ndikim e masave ajrore relativisht të paqëndrueshme. Moti parashkohet të jetë me alternime kthjellimesh dhe vranësira të cilat do të vijnë në zhvillim në mesditë dhe pasdite.
Përgjatë relieveve malore të vendit reshje shiu me intensitet të ulët, lokalisht reshje shiu në formën e shtrëngatave afatshkurtra. Era parashikohet të jetë nga kuadrati i veriut me shpejtësi mesatare deri në 7m/sek, e cila hera-herës pritet të fitoj shpejtësi deri në 14m/sek. Valëzmi në dete i forcës 1-3 ballë. Temperaturat parashikohen: 12 deri në 30°C në zonat malore, 16 deri në 33°C në zonat e ulëta dhe 17 deri në 32°C në zonat bregdetare.