Juli Krisafi i merr vendin Jonida Shehut

Largimi i Jonida Shehut nga emisioni që drejtonte prej 1 viti, “Pasdite në TCH”, u bë lajmi i pasdites së sotme. Sipas Shehut, ishte ajo vetë që vendosi të largohej nga “Pasdite në TCH”. Kjo deklaratë pasoi një tjetër, të drejtuesve të televizionit. Sipas tyre, Jonida Shehu u hoq nga puna për jo profesionalizëm. Por ajo çka ende nuk u bë e ditur ishte kush do ta zëvëndësonte Jonidën këtë sezon. E pikërisht Top Channel zbuloi se Juli Krisafi do të marrë drejtimin e “Pasdites”. Spikerja e edicioneve qëndrore prej disa vitesh në Top Channel, përveç prezantimit, do të jetë dhe bashkëautore e këtij programi.